Íslenska

Vífill: Gaman að kynnast öðrum efnilegum vísindamönnum

Vífill Harðarson er annar þeirra sem fór fyrir Íslands hönd í Evrópukeppni ungra vísindamanna. Þessum unga vísindamanni er margt. Auk þess að hafa tekið þátt í landskeppni ungra vísindamanna leggur hann stund á nám í hagnýtri stærðfræði við Háskóla Íslands og taka þátt í félaginu Team Spark sem fyrir löngu er þekkt fyrir þátttöku sína í Formula Student. Þegar Vífill sendi inn umsókn í keppnina var hann í Menntaskólanum við Hamrahlíð. Hann hafði þá gert lokaverkefni sem kennarinn hans hvatti hann til að senda umsókn inn keppni Ungra vísindamanna.

Herdís Ágústa: Evrópukeppnin jók víðsýni mína og kynnti mig fyrir fólki út um allan heim

Herdís Ágústa Linnet er önnur þeirra sem fór fyrir Íslands hönd í Evrópukeppni ungra vísindamanna sem fram fór í Tallinn í september síðastliðnum. Herdís er nítján ára nemi við Menntaskólann við Hamrahlíð og Menntaskólann í tónlist. Í framtíðinni stefnir hún á framhaldssnám í tónlist. Auk þess að stunda nám við tvo menntaskóla situr hún í ungmennaráði Barnaheilla en samtökin komu að verkefninu hennar með beinum hætti. En hvernig datt þessum unga menntaskólanema að taka þátt í Evrópukeppni ungra vísindamanna?

Herdís og Vífill komin heim eftir góða ferð til Eistlands

Ungu vísindamennirnir, Herdís og Vífill komu heim í gærkvöldi ásamt föruneyti sínu eftir stranga ferð til Tallinn. Verkefni þeirra vöktu mikla athygli gesta á keppnisstað og svöruðu þau öllum mögulegum og ómögulegum spurningum sem þar vöknuðu.

Það er til marks um hve mikið hæfileikafólk við sendum til keppni í ár að þau gerðu sér lítið fyrir á heimleiðinni og slógu upp tónleikum fyrir ferðalanga á Tallinn-flugvelli.

 

Góður gangur vísindanna í Tallinn

Fulltrúar Íslands, Þau Vífill og Herdís Ágústa standa nú í ströngu í Tallin en Evrópukeppni ungra vísindamanna fer fram þessa dagana. Síðustu daga hafa þau kynnt verkefnin fyrir dómurum, gestum og öðrum keppendum. Þau Vífill og Herdís hafa staðið sig með eindæmum vel og hafa verkefnin þeirra vakið verðskuldaða athygli. 

Fyrir þá sem vilja fylgjast betur með keppninni er bent á haskolasnappid á snapchat en íslenski hópurinn sér um snappið á meðan keppninni stendur.

 

Vífill og Herdís lögð af stað til Tallinn

Ungu vísindamennirnir, Herdís og Vífill lögðu í morgun af stað til Eistlands í Evrópukeppni unga vísindamanna. Mikil eftirvænting er hjá ungu keppendunum enda hefur undirbúningur staðið lengi og loks komið að stóru stundinni. 

Morgunblaðið sló á þráðinn til Herdísar og Vífils og spurði þau um þeirra upplifun í kringum keppnina. Við hlökkum mikið til að fylgjast með fulltrúum okkar og sendum kveðju til Tallinn. 

Ungir vísindamenn á leið til Tallinn

Tveir ungir Íslendingar eru á leið til Tallinn til þess að taka þátt í Evrópukeppni ungra vísindamanna sem fram fer dagana 22.-27.september. Þetta eru þau Herdís Ágústa Kristjánsdóttir Linnet, sem komst að því í rannsókn sinni að stórlega er brotið á rétti barna sem sækja um alþjóðlega vernd hér á landi, og Vífil Harðarson, sem komst að því að mögulegt er að búa til sápu úr hliðarafurðum sem verða til við framleiðslu lýsis.

Tvö verkefni fara í Evrópukeppnina þetta ár

Tveir framhaldsskólanemar taka þátt í Evrópukeppni ungra vísindamanna í Tallin í haust með tvö framúrskarandi rannsóknaverkefni sem kepptu til úrslita í Landskeppni ungra vísindamanna  í liðinni viku.

Landskeppnin fór fram í Háskóla Íslands 6. apríl síðastliðinn. Tvö rannsóknarverkefni höfðu verið valin til þátttöku og höfðu keppendur unnið að þeim undanfarna mánuði. Dómnefnd keppninnar mat bæði verkefni sem framúrskarandi og aðeins herslumunur skildi milli fyrsta og annars sætis.

Pages

Þú ert að nota: brimir.rhi.hi.is