Vert að vita: Hvenig verkefni geta tekið þátt í keppninni

Skráningarfrestur í keppni ungra vísindamanna rennur út 31.janúar. Það er því ekki úr vegi að rifja upp hvernig verkefni eru gjaldgeng í keppnina og hvers konar verkefni hafa farið fyrir Íslands hönd í Evrópukeppnina á liðnum árum. 

Í keppninni er tekið á móti verkefnum í tíu flokkum vísindanna. Eðlisfræði, efnafræði, efnisfræði, félagsvísindi, heilbrigðisvísindi, jarðvísindi, líffræði, stærðfræði, umhverfisfræði, upplýsinga- og tölvunarfræði, verkfræði. Allir á aldrinum 15 til 20 ára geta tekið þátt. Þátttakendur þurfa ekki að vera fulltrúar skóla heldur geta ýmis félagasamtök og stofnanir verið bakland keppenda.

Sigurvegarar komið úr ýmsum áttum

Ekki er til ein leið að sigri eða vel heppnuðu rannsóknarverkefni. Á síðustu árum hafa keppendur úr ólíkum skólum með ólík verkefni farið fyrir Íslands hönd í Evrópukeppni ungra vísindamanna. Ferskt er í minni rannsóknarverkefni þeirra Vífils og Herdísar Ágústu sem fjallað hefur verið um hér á síðunni. 

Þær Lilja Ýr Guðmundsdóttir og Ingibjörg Sóley Einarsdóttir frá Menntaskólanum í Reykjavík fóru til Brussel árið 2016 með rannsóknarverkefni sín um gervigreind. Þar komust þær m.a. að því að hægt sé að nota gervigreind í björgunaraðstæðum til að lágmarka áhættu björgunarsveitarmanna. Árið áður komu sigurvegarar íslensku keppninnar úr Fjölbrautarskólanum í Mosfellsbæ með rannsókn á áhrifum öskufalls á gróður. Fleiri vel heppnuð vísindaleg verkefni má finna hér á forsíðu. 

Öll verkefnin sem unnið hafa landskeppni ungra vísindamanna eiga það sammerkt að vera koma samfélaginu til góðs. Það er einmitt þema keppninnar. Vísindamenn skulu hafa í huga að vera samfélaginu til góðs með einhverjum hætti. 

Það er við hæfi að hvetja öll þau ungmenni sem hafa góða hugmynd að láta slag standa og senda inn verkefni í keppni ungra vísindamanna. 

Tungumál: 
Þú ert að nota: brimir.rhi.hi.is